پسرور: تیز رفتاری نے ایک بار پھر دو افراد کو ہسپتال پہنچا دیا، کار اور موٹر سائیکل میں خوفناک تصادم پسرور(حماز گھمن سے) پسرور کے نواحی علا...
پسرور: تیز رفتاری نے ایک بار پھر دو افراد کو ہسپتال پہنچا دیا، کار اور موٹر سائیکل میں خوفناک تصادم
پسرور(حماز گھمن سے) پسرور کے نواحی علاقے باسی والا میں تیز رفتاری کے باعث کار اور موٹر سائیکل کے درمیان خوفناک تصادم کے نتیجے میں دو افراد زخمی ہوگئے، جنہیں ریسکیو 1122 کی ٹیم نے بروقت طبی امداد فراہم کرنے کے بعد تحصیل ہیڈکوارٹر ہسپتال پسرور منتقل کر دیا۔
ریسکیو ذرائع کے مطابق حادثہ 28 ستمبر 2026 کو باسی والا کے مقام پر پیش آیا، جہاں مبینہ طور پر تیز رفتاری کے باعث کار اور موٹر سائیکل آپس میں ٹکرا گئے۔ اطلاع ملتے ہی ریسکیو 1122 کی STA-15 ایمبولینس موقع پر پہنچی اور تقریباً 10 منٹ میں جائے حادثہ پر رسپانس کرتے ہوئے زخمیوں کو طبی امداد فراہم کی۔
حادثے میں قلعہ احمد آباد کا رہائشی 27 سالہ شکیل احمد ولد محمد شفیق شدید زخمی ہوا۔ ریسکیو رپورٹ کے مطابق شکیل احمد کی دونوں ٹانگوں میں فریکچر ہوا، بائیں ٹانگ کی ٹیبیہ و فائبولا جبکہ دائیں ٹانگ کی فیمر کی ہڈی میں کھلا فریکچر ہوا، جبکہ بائیں بازو پر بھی گہرا زخم آیا۔ زخمی کی حالت ہوش میں بیان کی گئی۔
حادثے میں دوسرا زخمی 46 سالہ عمران ولد نذیر سکنہ ڈھولے باجوا تھا، جس کے بائیں پاؤں پر سوجن اور شدید درد کی شکایت تھی۔ ریسکیو اہلکاروں نے دونوں زخمیوں کو ابتدائی طبی امداد کے بعد THQ ہسپتال پسرور منتقل کر دیا، جہاں انہیں مزید طبی علاج فراہم کیا گیا۔
ریسکیو ذرائع کے مطابق حادثے کی ابتدائی وجہ تیز رفتاری بتائی گئی ہے، تاہم واقعہ کے دیگر محرکات متعلقہ اداروں کی جانب سے ہی حتمی طور پر واضح کیے جا سکتے ہیں۔
کوئی تبصرے نہیں