🚨 سیالکوٹ میں اینٹی کرپشن کا بڑا وار، سرکاری افسر رنگے ہاتھوں گرفتار 🚨 سیالکوٹ (حماز گھمن سے ) — پنجاب بھر میں کرپشن کے خلاف جاری مہم کے ...
🚨 سیالکوٹ میں اینٹی کرپشن کا بڑا وار، سرکاری افسر رنگے ہاتھوں گرفتار 🚨
سیالکوٹ (حماز گھمن سے ) — پنجاب بھر میں کرپشن کے خلاف جاری مہم کے دوران اینٹی کرپشن اسٹیبلشمنٹ پنجاب نے ایک اور بڑی کامیابی سمیٹ لی۔ ڈائریکٹر جنرل سہیل ظفر چٹھہ اور ریجنل ڈائریکٹر امجد شہزاد کی خصوصی ہدایات پر سیالکوٹ میں ایسا وار کیا گیا جس نے بدعنوان عناصر کے اوسان خطا کر دیے۔
ذرائع کے مطابق سرکل آفیسر رانا مبشر علی نے جوڈیشل مجسٹریٹ کی نگرانی میں ایک خفیہ اور منظم ٹریپ ریڈ کیا، جس کے دوران یونین کونسل عدالت گڑھا کے سیکرٹری شرجیل رستم شہزاد کو 40 ہزار روپے رشوت وصول کرتے ہوئے رنگے ہاتھوں دھر لیا گیا۔
کارروائی کے دوران ملزم کے قبضے سے نشان زدہ کرنسی نوٹ بھی برآمد کر لیے گئے، جو اس بات کا ناقابلِ تردید ثبوت ہیں کہ سرکاری دفاتر میں بدعنوانی کس طرح عوام کو دونوں ہاتھوں سے لوٹ رہی ہے۔
پولیس ذرائع کے مطابق ملزم کے خلاف مقدمہ نمبر 13/2026 درج کر لیا گیا ہے، جس میں تعزیرات پاکستان کی دفعہ 161 اور انسدادِ بدعنوانی ایکٹ 5(2)47 شامل ہیں۔ ملزم کو گرفتار کر کے مزید تفتیش کا آغاز کر دیا گیا ہے، جبکہ امکان ظاہر کیا جا رہا ہے کہ اس کیس سے مزید چونکا دینے والے انکشافات سامنے آئیں گے۔
📢 عوام کے لیے اہم پیغام
سرکل آفیسر رانا مبشر علی نے دو ٹوک الفاظ میں شہریوں کو خبردار کرتے ہوئے کہا ہے کہ:
“اگر کوئی سرکاری ملازم آپ سے رشوت طلب کرے تو ہرگز رقم ادا نہ کریں، بلکہ فوراً اینٹی کرپشن کو اطلاع دیں۔ آپ کا جائز کام قانون کے مطابق کروانا ہماری ذمہ داری ہے۔”
تجزیہ کاروں کا کہنا ہے کہ یہ کارروائی اس بات کا واضح ثبوت ہے کہ اگر ادارے متحرک ہوں تو کرپشن کے ناسور کو جڑ سے اکھاڑا جا سکتا ہے۔ تاہم سوال یہ بھی اٹھ رہا ہے کہ ایسے کتنے افسران ابھی بھی نظام میں موجود ہیں جو عوام کو لوٹنے میں مصروف ہیں؟
🔥 عوامی حلقوں نے اس کارروائی کو سراہتے ہوئے مطالبہ کیا ہے کہ کرپشن میں ملوث عناصر کے خلاف اسی طرح بلاامتیاز کارروائیاں جاری رکھی جائیں تاکہ عوام کو حقیقی ریلیف مل سکے۔
کوئی تبصرے نہیں