لاہور (ویب ڈیسک))اینٹی کرپشن پنجاب کے ڈائریکٹرجنرل (ڈی جی) رائے منظور ناصر کو تعیناتی کے 40دن بعد ہی تبدیل کرنے کی وجہ سامنے آگئی ہے، نجی ...
لاہور (ویب ڈیسک))اینٹی کرپشن پنجاب کے ڈائریکٹرجنرل (ڈی جی) رائے منظور ناصر کو تعیناتی کے 40دن بعد ہی تبدیل کرنے کی وجہ سامنے آگئی ہے، نجی ٹی وی کے مطابق ڈی جی اینٹی کرپشن پنجاب نے وزیر داخلہ رانا ثناء اللہ اور وزیر خارجہ خواجہ آصف کی اہلیہ پر مقدمہ درج کرنے سے انکار کیا تھا۔
نجی ٹی وی "جیو نیوز "کے مطابق رائے منظور نے وزیرداخلہ راناثنااللہ اور ان کی اہلیہ، وزیر خارجہ خواجہ آصف کی اہلیہ، بیٹے اورجاویدلطیف کی والدہ کو گرفتار کرنے سے انکارکیا تھا،وزیراعلیٰ کے مشیربرائے اینٹی کرپشن مصدق عباسی نے مقدمات درج کرنے کیلئے دباؤ ڈالا، راناثنااللہ اور ان کی اہلیہ پرکلرکہارمیں اراضی خریدنے پرکم ٹیکس دینےکی فائل تیارکی گئی، رانا ثنا اللہ پہلے ہی پورا ٹیکس جمع کراچکے تھے۔
رپورٹ کے مطابق رائےمنظور نے بطور ڈی جی اینٹی کرپشن مقدمہ درج کرنے کیلئے فائل پر دستخط سے انکارکردیا اور کہا کہ ایسے ہی کیس میں شیخ رشیدکوبری الذمہ قرار دے چکے ہیں،سیالکوٹ کی نجی ہاؤسنگ اسکیم کے ایک مقدمے میں خواجہ آصف کےبیٹےاوراہلیہ کوپکڑنے کا کہاگیا لیکن رائے منظورناصر نے کہاکہ عدالتوں میں کیس ہیں،وہ ایسا نہیں کرسکتے۔
نجی ٹی وی نے ذرائع کے حوالے سے بتایا کہ مشیرمصدق عباسی نے ڈی جی رائے منظورکو 25 اگست رات 12 بجے دفتر بلایا اور 23افسران کوتبدیل کرنےکیلئے رائے منظور کے سامنے لسٹ رکھ دی لیکن ڈی جی اینٹی کرپشن نےتبادلوں کی فہرست پردستخط سےانکارکردیا، ڈی جی کی منظوری کے بغیر ہی اسی رات18افسران کو تبدیل کردیا گیا، ذرائع بتاتے ہیں کہ مشیر وزیراعلیٰ پنجاب مصدق عباسی نے ہی رائے منظورکو ڈی جی اینٹی کرپشن تعینات کرایا تھا۔
کوئی تبصرے نہیں