کراچی این اے 245 میں ضمنی الیکشن، تحریک انصاف کو واضح برتری حاصل کراچی(ویب ڈیسک) شہر قائد این اے 245 کی نشست پر ضمنی انتخاب کے لیے پولنگ ا...
کراچی این اے 245 میں ضمنی الیکشن، تحریک انصاف کو واضح برتری حاصل
کراچی(ویب ڈیسک) شہر قائد این اے 245 کی نشست پر ضمنی انتخاب کے لیے پولنگ اور ووٹوں کی گنتی کے بعد بتدریج نتائج آرہے ہیں غیر سرکاری اور غیر حتمی نتائج کے مطابق پی ٹی آئی کے امیدوار محمود مولوی کو تاحال واضح برتری حاصل ہے۔
تفصیلات کے مطابق این اے 245 میں ضمنی انتخاب کے میدان میں 17 امیدوار مدمقابل ہیں جبکہ الیکشن کمیشن کی جانب سے آر ایم ایس سسٹم پر اب تک 240 پولنگ اسٹیشنز کے رزلٹ موصول ہوچکے ہیں۔
غیرسرکاری اور غیر حتمی انتخابی نتائج کے مطابق پی ٹی آئی کے محمود مولوی 27168 ووٹ سے سب سے آگے جبکہ ایم کیو ایم کے معید انور 11678 ووٹ لے کر دوسرے نمبرپر ہیں۔
علاوہ ازیں ٹی ایل پی کے محمد احمد رضا 8578 ووٹ لے کر تیسرے اور فاروق ستار آزاد امیدوار کی حیثیت سے 3130 ووٹ لے کر چوتھے نمبر پر ہیں۔
ایکسپریس نیوز کے مطابق پی ٹی آئی نے محمود مولوی اور ایم کیو ایم نے معید انور کو میدان میں اُتارا ہے جبکہ ٹی ایل پی کے محمد احمد رضا اور پی ایس پی کی جانب سے سید حفیظ الدین مقابلے میں شامل ہیں۔ پیپلز پارٹی اور جے یو آئی (ف) کی جانب سے ایم کیو ایم کے امیدوار کی حمایت کا اعلان کیا جاچکا ہے۔
کوئی تبصرے نہیں