ویب ڈیسک اسلام آباد: وزیر اعظم شہباز شریف نے کہا ہے کہ اتحادی حکومت تمام صورتحال سے کامیابی سے نکلنے کی کوشش کرے گی۔ وزیر اعظم شہباز شریف ...
ویب ڈیسک
اسلام آباد: وزیر اعظم شہباز شریف نے کہا ہے کہ اتحادی حکومت تمام صورتحال سے کامیابی سے نکلنے کی کوشش کرے گی۔
وزیر اعظم شہباز شریف نے وفاقی کابینہ کے اجلاس میں اظہار خیال کرتے ہوئے کہا کہ اسحاق ڈار نے وزارت خزانہ کا چارج سنبھال لیا ہے اور اسحاق ڈار نے ماضی میں بھی وزارت خزانہ کا قلمدان سنبھالا تھا۔ اسحاق ڈار کی کامیابی کے لیے دعاگو ہیں۔
انہوں نے کہا کہ مفتاح اسماعیل نے بھی پاکستان کو دیوالیہ ہونے سے بچایا اور عالمی مالیاتی ادارے (آئی ایم ایف) کے ساتھ مذاکرات کامیاب بنائے تاہم اسحاق ڈار مشکل حالات سے معیشت کو نکالیں گے۔
شہباز شریف نے کہا کہ گزشتہ حکومت نے پیٹرول کی قیمتیں کم کر کے معیشت کو نقصان پہنچایا لیکن اتحادی حکومت تمام صورتحال سے کامیابی سے نکلنے کی کوشش کرے گی۔ ہمارا دورہ امریکہ کامیاب رہا اور ہم نے غیر ملکی سربراہان سے ملاقاتیں کیں۔
انہوں نے کہا کہ اقوام متحدہ اسمبلی اجلاس میں میں نے اپنے ملک کو درپیش مسائل کا مقدمہ رکھا اور موسمیاتی تبدیلی سے متعلق مزید اقدامات پر پاکستان کے مؤقف کی تائید کی گئی۔
کوئی تبصرے نہیں