کراچی (ویب ڈیسک)سپرہائی وے پر جھگڑے کے دوران ڈنڈے ، مکوں اور پتھراؤ سے پیپلز پارٹی ڈسٹرکٹ ایسٹ کے علاقائی عہدیدار اور پولیس اہلکار سمیت 6...
کراچی (ویب ڈیسک)سپرہائی وے پر جھگڑے کے دوران ڈنڈے ، مکوں اور پتھراؤ سے پیپلز پارٹی ڈسٹرکٹ ایسٹ کے علاقائی عہدیدار اور پولیس اہلکار سمیت 6 افراد زخمی ہوگئے، پولیس نے درجنوں افراد کے خلاف مقدمہ درج کرلیا۔
ایکسپریس نیوز کے مطابق مین سپرہائی وے پاکستان کانٹا کے قریب دو گروپوں میں جھگڑے کے دوران ڈنڈے ، مکوں اور پتھراؤ کے نتیجے میں 6 افراد لہولہان ہوگئے، اس موقع پر پولیس کی نفری بھی موجود تھی تاہم اس کے باوجود پاکستان پیپلز پارٹی ڈسٹرکٹ ایسٹ کے عہدیدار لالا رحیم اور پولیس اہلکار آصف سمیت شہروز ، داؤد ، سرور خان اور مظہرعلی زخمی ہوگئے، فوری طبی امداد کے لیے قریبی اسپتال لیجایا گیا۔
اس حوالے سے سائٹ سپرہائی وے صنعتی ایریا کے سب انسپکٹر شہباز نے بتایا کہ زخمی ہونے والے پیپلز پارٹی کے ڈسٹرکٹ ایسٹ کے علاقائی عہدیدار لالا رحیم نے پانی چوری کرنے والی مافیا کے خلاف کارروائی کے لیے واٹر بورڈ کی تھیفٹ ٹیم کو بلایا تھا کہ اس دوران مخالف گروپ کے لوگ بھی جمع ہوگئے اور دونوں گروپوں کے درمیان ہونے والی تلخ کلامی جھگڑے میں تبدیل ہوگئی۔
سب انسپکٹر شہباز نے بتایا کہ جھگڑے کے دوران زخمی ہونے والا آصف پولیس اہلکار سیکیورٹی ٹو میں تعینات ہے اور وہ پیپلز پارٹی کے علاقائی عہدیدار کا گارڈ ہے۔
پولیس نے مخالف گروپ سے تعلق رکھنے والے متعدد نامزد سمیت 15 سے 20 نامعلوم صورت شناس کے خلاف مقدمہ درج کرلیا ہے۔
مذکورہ واقعہ کی موبائل فون سے بنائی گئی ویڈیو بھی منظر عام پر آگئی جس میں پولیس کی موجودگی میں تمام واقعہ پیش آیا اور اس دوران پولیس کی جانب سے کوئی مزاحمت نہیں کی گئی۔
کوئی تبصرے نہیں