اسلام آباد(صباح نیوز)چیئرمین تحریک انصاف عمران خان نے کہا ہے کہ وفاقی حکومت کی ترجیحات میں عوام کی بجائے اپنے مقدمات کا خاتمہ ہے،عوام کو ا...
اسلام آباد(صباح نیوز)چیئرمین تحریک انصاف عمران خان نے کہا ہے کہ وفاقی حکومت کی ترجیحات میں عوام کی بجائے اپنے مقدمات کا خاتمہ ہے،عوام کو اس نااہل ٹولہ کے رحم وکرم پر نہیں چھوڑا جا سکتا، شہباز شریف کو کوئی بھی پیسے دینے کے لیے تیار نہیں،پی ٹی آئی سیلاب متاثرین کو تنہا نہیں چھوڑے گی۔
تفصیلات کے مطابق عمران خان کی زیرصدارت سیاسی کمیٹی کا اجلاس بنی گالہ میں ہوا، جس میں موجودہ سیاسی صورتحال پر تبادلہ خیال کیا گیا،سیلاب کی صورتحال ،پنجاب اور کے پی کے میں اقدامات کا جائزہ بھی لیا گیا، عمران خان کو سندھ میں سیلاب صورتحال پر بریفنگ دی گئی، علی زیدی نے بتایا کہ سندھ حکومت نے عوام کو بے یارومددگار چھوڑ دیا ہے، سندھ حکومت کی کارکردگی کی قلعی کھل گئی۔ اس موقع پر عمران خان نے کہا کہ تحریک انصاف سیلاب متاثرین کو تنہا نہیں چھوڑے گی،پنجاب اور کے پی حکومتوں کو متاثرین کی فوری امداد کی ہدایت کی ہے، وفاقی حکومت کی ترجیحات میں عوام کی بجائے اپنے مقدمات کا خاتمہ ہے۔
ان کا کہنا تھا کہ عوام کو اس نااہل ٹولہ کے رحم وکرم پر نہیں چھوڑا جا سکتا،شہباز شریف کو کوئی بھی پیسے دینے کے لیے تیار نہیں، اجلاس میں پی ٹی آئی کی عوامی رابطہ مہم اور جلسوں سے متعلق بھی مشاورت ہوئی،عمران خان کے دورہ سندھ اور جلسوں کے حوالے سے بھی تبادلہ خیال کیا گیا۔ دوسری جانب سابق وزیراعظم عمران خان نے سیلاب سے متاثرہ علاقوں کے دورے کا فیصلہ کر لیا۔ ذرائع کے مطابق عمران خان جلد پنجاب اور خیبرپختونخوا میں متاثرہ علاقوں کا دورہ کریں گے جب کہ سیلاب متاثرین سے ملاقات بھی کریں گے۔
کوئی تبصرے نہیں