پیرس(صباح نیوز)پاکستان فیٹف کی گرے لسٹ سے نکلنے کے مزید قریب پہنچ گیا، فنانشل ایکشن ٹاسک فورس(ایف اے ٹی ایف)کے ذیلی ادارے ایشیا پیسیفک گروپ ...
پیرس(صباح نیوز)پاکستان فیٹف کی گرے لسٹ سے نکلنے کے مزید قریب پہنچ گیا، فنانشل ایکشن ٹاسک فورس(ایف اے ٹی ایف)کے ذیلی ادارے ایشیا پیسیفک گروپ (اے پی جی) نے پاکستان کی درجہ بندی کو اپ گریڈ کردیا ہے۔
فیٹف کے ذیلی ادارے ایشیا پیسیفک گروپ نے پاکستان کی جانب سے ایف اے ٹی ایف ایکشن پلان پر عملدرآمد سے متعلق چوتھی تکنیکی تعمیل کی رپورٹ جاری کی ہے جس میں پاکستان کی درجہ بندی کو اپ گریڈ کردیا گیا ہے۔ ایشیا پیسیفک گروپ نے جولائی 2022 کی رپورٹ میں پاکستان کی درجہ بندی کو اپ گریڈ کرتے ہوئے کہا ہے کہ مجموعی طور پر پاکستان نے اچھی پیش رفت کی ہے۔ پاکستان پابندیوں کی گرے لسٹ سے نکلنے کے قریب پہنچ رہا ہے تاہم پاکستان کو گرے لسٹ سے نکالنے کا حتمی فیصلہ اکتوبر میں آن سائٹ وزٹ اور تصدیق کے بعد کیا جائے گا۔
رواں سال جون میں فیٹف کے صدر ڈاکٹر ماکوس پلیئر نے اعلان کیا تھا کہ پاکستان نے اصلاحات کو نافذ کیا ہے، اگر پاکستان آن سائٹ وزٹ کا مرحلہ کامیابی سے عبور کر لیتا ہے تو اسے گرے لسٹ سے نکال دیا جائے گا۔انکا کہنا تھا کہ فیٹف ٹیم کے دورے کے دوران پاکستان کو اس بات کو یقینی بنانا ہوگا کہ وہ ثابت کرے کہ اس نے منی لانڈرنگ اور دہشت گرد گروپوں کی فنڈنگ سے موثر طریقے سے نمٹ لیا ہے۔
پاکستان ایف اے ٹی ایف کی 40 میں سے 38 شرائط پر عمل کرچکا ہے جن میں 9 شرائط پر مکمل، 29 پر بڑے پیمانے پر اور دو شرائط پر جزوی طور پر عملدرآمد کیا جارہا ہے جو گرے لسٹ سے نکلنے کیلئے کافی ہے اور اب فیٹف کی کوئی شرط ایسی نہیں جس پر پاکستان نے عمل نہ کیا ہو، پاکستان کی اگلی پیش رفت رپورٹ یکم فروری 2023 کو آنی ہے۔
کوئی تبصرے نہیں