اسلام آباد: وزیراعظم شہباز شریف کی جانب سے پبلک سیکٹر میں 2000 میگاواٹ کے شمسی توانائی کے منصوبے لگانے کی اصولی منظوری دے دی گئی۔ وزیر اعظم...
اسلام آباد: وزیراعظم شہباز شریف کی جانب سے پبلک سیکٹر میں 2000 میگاواٹ کے شمسی توانائی کے منصوبے لگانے کی اصولی منظوری دے دی گئی۔
وزیر اعظم شہباز شریف کی جانب سے یہ منظوری جمعرات کو ملک میں 10,000 میگاواٹ سولرائزیشن منصوبے کے حوالے سے اعلی سطحی جائزہ اجلاس کی صدارت کرتے ہوئے دی گئی۔
وزیراعظم شہباز شریف نے اس موقع پر گفتگو کرتے ہوئے کہا کہ سولرائزیشن منصوبہ ملک میں کم لاگت اور ماحول دوست بجلی پیدا کرے گا۔
وزیراعظم نے کہا کہ منصوبے کے تحت چاروں صوبوں میں زرعی ٹیوب ویلوں کو ترجیحی بنیادوں پر سولر پر منتقل کیا جائے گا۔
وزیر اعظم کا مزید کہنا تھا کہ اس منصوبے سے ملک کا مہنگے ایندھن سے چلنے والے منصوبوں پر انحصار ختم ہو جائے گا اور قیمتی زرمبادلہ کی بچت ہو گی۔
کوئی تبصرے نہیں